Гранты Фонда дэмакратыі ААН

аўт, 2015-11-17 15:04

Фонд дэмакратыі ААН прапануе арганізацыям грамадзянскай супольнасці падаць заяўку на фінансаванне праектаў па пашырэнні і падтрымцы дэмакратыі. Заяўкі прымаюцца да 31 снежня 2015 года анлайн толькі на ангельскай альбо французскай мове. Заяўляць можна праекты, якія плануецца ажыццявіць цягам 2-х гадоў. Памеры грантаў - 100-300 тыс. даляраў ЗША.

Фонд дэмакратыі ААН падтрымлівае праекты, якія ўзмацняюць голас грамадзянскай супольнасці, прасоўваюць правы чалавека і заахвочваюць удзел усіх групаў насельніцтва ў дэмакратычных працэсах. Фонд пераважна фінансуе мясцовыя арганізацыі грамадзянскай супольнасці - у пераходны перыяд дэмакратызацыі і ў справе яе замацавання.

Усе прапановы будуць старанна разглядацца - па выніках конкурсанага адбору звычайна менш за 2% праектаў атрымліваюць фінансаванне.

Праекты мусяць падпадаць пад адну ці больш з 7-мі наступных тэмаў:

  • супольны актывізм,
  • вяршэнства закону і правы чалавека,
  • інструменты ведаў,
  • пашырэнне правоў і магчымасцяў жанчын,
  • далучэнне моладзі,
  • медыя і свабода інфармацыі,
  • умацаванне ўзаемадзеяння з урадам.

Заяўкі падаюцца праз анлайн-платформу на сайце Фонда дэмакратыі ААН. Калі ласка, пазнаёмцеся з прыкладам заяўкі праекта, кіраўніцтвам па падачы заяўкі, заўвагамі для будучых заяўнікаў, найбольш задаваемымі пытаннямі.

Каб падаць заяўку, націсніце сюды.

Прапановы праектаў мусяць адпавядаць наступным крытэрам:

- прамоўцыя мэтаў Фонда дэмакратыі ААН,

- заахвочванне інклюзіі,

- значны ўплыў,

- узмацненне гендэрнай роўнасці,

- значныя перспектывы паспяховага выканання і інш.

Канчатковы шорт-ліст абраных праектаў будзе прадстаўлены для зацверждання Генеральнаму Сакратару ААН у траўні-чэрвені 2016 года. Падрабязная інфармацыя - тут.

Крыніца: UN.org.