Грант на вывучэнне дызайну ў магістратуры ў Швецыі

Стыпендыя Michael Treschow Scholarship прызначана студэнтам і студэнткам, якія маюць дыплом бакалаўра ў сферы дызайну і якія плануюць працягнуць навучанне ў магістратуры ў Швецыі. Памер гранта - каля 9700€. Грант выплачваецца адзін раз у год. Апошні тэрмін падачы заяўкі - 28 кастрычніка 2018.

Мэта гранта - натхніць студэнтаў і студэнтак працягваць навучанне і развіваць свае навыкі. Стыпендыя можа даць шмат пераваг у будучыні, у перыяд пошуку працы ці працягу навучання.

Патрабаванні да кандыдатаў і кандыдатак:

1. павінны атрымаць дыплом бакалаўра або эквівалент за межамі Швецыі ў сферы дызайну і планаваць ці ўжо прыступіць да навучання ў магістратуры ў Швецыі;
2. прыклады работ павінны грунтавацца на калектыўнай працы і праяўляць смеласць, асалоду і жаданне, кандыдаты і кандыдаткі павінны дэманстраваць сацыяльную прыхільнасць і ўстойлівасць;
3. неабходна ведаць ангельскую мову.

Каб падаць заяўку, неабходна падрыхтаваць у фармаце pdf такія дакументы:

• CV з кантактнымі дадзенымі таго, хто можа вас рэкамендаваць (імя, назва ўстановы, нумар тэлефона, электронная пошта);
• матывацыйны ліст (максімум 1 старонка А4);
• прыклады работ: ад 1 да 4 прыкладаў работ (максімум 2 старонкі А4).

Крыніца: svid.se/en