Грант на постдоктарскія даследаванні права ў Будапешце

пан, 2017-03-27 18:45

Да 30 красавіка 2017 г. Венгерская акадэмія навук сумесна з Каталіцкім універсітэтам Петэра Пазманя (Pázmány Péter Catholic University Faculty of Law and Political Sciences) прапануюць гранты на правядзенне даследаванняў.  

Працягласць праграмы – 10 месяцаў, з 1 верасня 2017 па 30 чэрвеня 2018 г. Кандыдаты будуць займаць пост «research fellow» у Венгернскай акадэміі навук  і «adjunct professor» у Каталіцкім універсітэце Пе́тэра Па́зманя.

Грант можна атрымаць на даследаванні любой галіны права, сярод прыярытэтаў аднак – параўнальнае прававодства, міжнароднае публічнае права, еўрапейскае права.

Што дае гэта магчымасць

  • працоўнае месца ў двух ВНУ на працягу 10 месяцаў;
  • навуковыя і навукова-даследчыя матэрыялы;
  • штомесячная стыпендыя 458,300 HUF (каля1484.84€), з якой давядзецца сплаціць падатак;
  • пражыванне;
  • магчымасць далейшага развіцця навуковай дзейнасці даследчыкаў у гэтых навучальных установах;
  • поўны уваход у навуковую дзейнасць універсітэтаў з магчымасцю ўдзельнічаць ва ўсіх навуковых праграмах і мерапрыемствах.
     

Патрабаванні да кандыдатаў:

  • мець ступень кандыдата навук у галіне права;
  • выдатна валодаць ангельскай мовай (веданне венгерскай не запатрабавана);
  • праводзіць не менш як 4 лекцыі на тыдзень для студэнтаў паслядыпломных праграм, кожная з якіх не павінна доўжыцца менш за 45 хвілін;
  • актыўна ўдзельнічаць у важных навуковых праграмах і мерапрыемствах універсітэтаў;
  • садзейнічаць умацаванню міжнародных адносін універсітэтаў.

Падача

На адрас электроннай пошты [email protected] неабходна адаслаць наступныя дакументы на ангельскай мове:

  • CV
  • спіс публікацый;
  • электронныя версіі трох публікацый, якія, на думку кандыдатаў, з’яўляюцца лепшымі;
  • прэзентацыю праекта;
  • матывацыйны ліст, які мусціь утрымліваць план даследвання, вучэбны план хаця б двух курсаў, апісанне таго, як кандыдат (-тка) будзе звязаны з прымаючымі ўніверсітэтамі

Крыніца: jog.tk.mta.hu