Грант на навучанне ва ўніверсітэце Tallinn University of Technology (Эстонія)

Міністэрства замежных спраў Эстоніі заснавала стыпендыяльную праграму для студэнтаў магістратуры ўніверсітэта Tallinn University of Technology. Стыпендыя выплачваецца на працягу 2 гадоў (працягласць большасці магістарскіх праграм) і складае 400€ у месяц. Апошні тэрмін падачы дакументаў - 15 траўня 2018.

Стыпендыя даступна для такіх магістарскіх праграм:

• Environmental Engineering and Management - 1 стыпендыя;
• Technology of Wood, Plastics and Textiles - 1 стыпендыя;
• Materials and Processes for Sustainable Energetics - 1 стыпендыя;
• Technology Governance and Digital Transformation - 1 стыпендыя;
• Communicative Electronics - 2 стыпендыі.

Патрабаванні да кандыдатаў і кандыдатак:

• з краін: Арменія, Азербайджан, Грузія, Індыя, Мексіка, Турцыя, Украіна, Беларусь і В'етнам;
• залічаны на адну з пералічаных вышэй магістарскіх праграм універсітэту;
• маюць навуковую ступень бакалаўра, або эквівалент ступені бакалаўра;
• маюць мінімальны бал па тэстах: IELTS (Academic) бал 5.5, з 5.5 або больш, мінімальны бал па тэсту TOEFL (iBT) - 70; -Cambridge First Certificate in English (FCE): бал A, B or C; Cambridge Certificate of Advanced English (CAE): бал A, B or C .; Cambridge Certificate of Proficiency in English (CPE): бал A, B or C; Pearson Test of English Academic (PTE A): агульны бал 48 або вышэй.

Для атрымання стыпендыі неабходна запоўніць бланк заяўкі на паступленне ва ўніверсітэт Tallinn University of Technology і адправіць матывацыйны ліст на study@ttu.ee. Разам з бланкам заяўкі на паступленне неабходна адправіць такія натарыяльна завераныя копіі дакументаў (на англійскай мове):

• Дыплом бакалаўра;
• Транскрыпт з ацэнкамі;
• Матывацыйны ліст;
• Рэзюмэ, у якім дэталёва апісаць атрыманую адукацыю і вопыт работы;
• Дакумент, які пацвярджае веданне англійскай мовы;
• Копія старонкі пашпарта кандыдата, якая ўтрымлівае інфармацыю аб ідэнтыфікацыі асобы кандыдата.
   

Матывацыйны ліст павінна змяшчаць:

• назву абранай праграмы магістратуры;
• прычыны выбару Эстоніі для навучання;
• прычыны выбару менавіта гэтай праграмы навучання;
• планы пасля заканчэння навучання.

Крыніца: ttu.ee