Форум маладых лідараў Еўропа-Кітай ў Венгрыі (выдаткі пакрываюцца)

Форум маладых лідараў Еўропа-Кітай пройдзе ў Венгрыі з 2 па 4 траўня 2018. У гэтым годзе форум наведаюць многія маладыя лідары, палітыкі, прадпрымальнікі і навукоўцы з Еўропы і Кітая. Кошт удзелу ў форуме складае 180€, але можна падавацца на 15 стыпендый, якія пакрываюць усе выдаткі. Апошні тэрмін падачы заяўкі - 31 сакавіка.

У аснове форуму ініцыятыва ўрадаў Кітая і Венгрыі "the Belt and Road", якая факусуецца на маладзёжным абмене, дзелавым супрацоўніцтве, супрацоўніцтве ў галіне адукацыі паміж Еўропай і Кітаем, стварае камунікацыі паміж бізнесам і палітыкай і прыслухоўваецца да меркавання маладых лідараў з розных краін свету.

Арганізатары прапануюць ад 8 да 15 стыпендый, якія аплацяць:

• кошт рэгістрацыі на форуме;
• пражыванне (у пакоі на дваіх);
• харчаванне;
• навучальныя матэрыялы форуму;
• квіткі на ўсе мерапрыемствы і сацыяльную праграму форуму.

Патрабаванні да кандыдатаў і кандыдатак:

1. падаваць заяўку могуць усе, хто афіцыйна пражывае ў Еўропе ці ў Кітаі (кандыдаты, якія пражываюць у іншых краінах таксама могуць падаваць заяўку);
2. прымаюцца заяўкі ад студэнтаў і нядаўніх выпускнікоў ВНУ, якім яшчэ не споўнілася 28 гадоў.
3. для ўдзелу ў форуме неабходна запоўніць анлайн заяўку.

Калі Вы жадаеце атрымаць стыпендыю, Вам неабходна запоўніць заяўку на атрыманне стыпендыі. З заяўкай неабходна адправіць CV (не больш за 500 слоў) на [email protected].

Крыніца: ecylforum.com