Фонд Terra Foundation прапануе гранты ў ЗША на даследаванні, прысвечаныя амерыканскаму мастацтву і візуальнай культуры перыяду да 1980-х гадоў

пан, 2017-10-16 16:21

Даследчыя гранты ў ЗША - гэта праграма падтрымкі даследчых праектаў, прысвечаных амерыканскаму мастацтву і візуальнай культуры перыяду да 1980-х гадоў. Праграма заклікана дапамагчы даследчыкам, якія не з'яўляюцца грамадзянамі ЗША, правесці даследаванні і наведаць калекцыі ў ЗША. Дэдлайн - 15 студзеня.

У рамках праграмы ўдзельнікі і ўдзельніцы змогуць:

  • вывучыць новыя матэрыялы;
  • наведаць музеі і прыватныя калекцыі;
  • пазнаёміцца ​​з мастакамі, арт-дылерамі, архівістамі, куратарамі, навукоўцамі ўніверсітэтаў;
  • атрымаць кансультацыі ў мясцовых архівах, бібліятэках;
  • завесці прафесійныя знаёмствы, якія могуць спатрэбіцца ў наступных даследаваннях.

 

Штогод выдзяляецца 20 грантаў.

  • да 6000 $ - аспірантам з Еўропы, Канады, Аўстраліі і Новай Зеландыі.
  • да 7000 $ - аспірантам з Азіі, Афрыкі і Лацінскай Амерыкі.
  • да 9000 $ -  старшым навуковым супрацоўнікам.

 

Патрабаванні да кандыдатаў і кандыдатак:

  1. прэтэндаваць на грант могуць студэнты аспірантуры і старэйшыя навуковыя супрацоўнікі, якія пражываюць за межамі ЗША;
  2. кандыдаты павінны мець магчымасць падарожнічаць у рамках праграмы;
  3. неабходна ўмець працаваць з дэдлайнам;
  4. патрабуецца патэнцыял у правядзенні даследаванняў.

 

Кандыдатам і кандыдаткам неабходна адправіць заяўку і прымацаваць да яе такія дакументы: CV і апісанне даследчага праекта, якое тлумачыць неабходнасць паездкі ў ЗША (максімум 5 старонак), таксама апісанне плана паездкі з прыблізнымі датамі і маршрутам, плюс бюджэт паездкі і два рэкамендацыйных лісты. Усе дакументы павінны падавацца на англійскай мове.

Крыніца: terraamericanart.org