ЕС/Рада Еўропы: Конкурс праектаў электроннага ўдзелу моладзі (Усходняе партнёрства)

Еўразвяз і Рада Еўропы ладзяць конкурс праектаў па электронным (лічбавым) удзеле моладзі. Мэта конкурсу - палегчыць зваротную сувязь паміж моладдзю і тымі, хто прымае рашэнні. Конкурс арганізаваны для ўдзельнікаў з краін "Усходняга партнёрства". У прыватнасці, запрашаюцца і кандыдаты з Беларусі.

Удзельнікамі конкурсу могуць быць моладзевыя, грамадзянскія арганізацыі, прадстаўнікі дзяржаўных адміністрацый. Журы падтрымае 10 лепшых праектаў - памер фінансавай падтрымкі кожнага складзе 10 тыс. еўра.

Прапанаваныя праекты мусяць пасаваць да вэбплатформы і мабільных прылад і ствараць сапраўдную сувязь у працэсе прыняцця рашэнняў паміж маладымі ўдзельнікамі і ўладамі.

Дэдлайн - 31 снежня 2016 года.

Падрабязнасці - на гэтай старонцы.

 Паводле ENPI-info.eu