Эразмус+ праект у Італіі: музыка — мост між культурамі

Эразмус+ музычны моладзевы абмен 28 кастрычніка — 5 лістапада ў Італіі, Saracinesco (15 км ад Рыму). Запрашаюцца маладыя музыкі 16-21 год (4 чалавекі) + моладзевы лідар (18+). Выдаткі на дарогу, пражыванне і харчаванне аплочваюцца арганізатарам. Анкету трэба запоўніць да 31 жніўня 2018.

18-20 верасня — адзін прадстаўнік каманды адправіцца на падрыхтоўчую сустрэчу, дзе даведаецца падрабязней пра месца правядзення і ўмовы. А ўжо з 28 кастрычніка да 5 лістапада адбудзецца музычны абмен, дзе возьмуць удзел прадстаўнікі 9 краінаў.

Штодзень будуць адбывацца:

• азнаямляльныя сустрэчы з музычнымі гуртамі
• прэзентацыі кожнай краіны аб музыцы і іх традыцыях
• практыкаванні для фінальнага канцэрта і іншыя музычныя заняткі
• вольны час.

Кошт даезду будзе кампенсаваны арганізатарам, ён забяспечвае са свайго боку таксама:

• трансфес з аэрапарта і ў аэрапорт;
• экскурсію па гістарычных мясцінах;
• ежу і пражыванне (трохразовае харчаванне + 2 перакусы);
• заняткі з трыма выкладчыкамі кансерваторыі “S. Cecilia”, якія ў тым ліку будуць рыхтаваць да выступлення;
• тур па «Музеі часу»

Адбор па наступных крытэрах: адпаведны ўзрост і ўнёсак за ўдзел – 40 еўра. Жаданне\наяўнасць валанцёрскага досведу у МГА "Добрая воля"\ РГА "Надзея дзецям" — можна стаць валанцёрам на фестывалі «Каласы пад сярпом Тваім».

Крыніца: vk.com