Цэнтр новых ідэй запрашае на Belarus Urban Fellowship

Праграма скіраваная да новых лідарак/лідараў, якія займаюцца развіццём рэгіёнаў ці гарадоў і маюць не болей за 30 гадоў. Тры першыя сесіі праграмы пройдуць у Мінску, а чацвёртая ў Берліне. Belarus Urban Fellowship – гэта не адукацыйная праграма, на якой удзельнікі і ўдзельніцы будуць вывучаць пэўныя прадметы, а практычная, накіраваная на развіццё новых лідарак/лідараў і рэалізацыю іх мэтаў. Заяўкі прымаюцца на [email protected] да 15 ліпеня 2018.

Крытэрыі і адбор:

• Праграма Belarus Urban Fellowship скіраваная да прадстаўнікоў арганізацый грамадзянскай супольнасці, бізнесу, акадэмічнай сферы, медыяў і дзяржаўных органаў. Мы шукаем новых лідараў, якія маюць не больш за 30 гадоў і стала знаходзяцца ў Беларусі (пражыванне па-за Мінскам будзе перавагай).
• Для падачы на ўдзел у праграме патрэбныя толькі два дакументы:
• Рэзюмэ, у якім будуць выразна зазначаныя дасягненні заяўніка.
• Матывацыйны ліст.

У межах Belarus Urban Fellowship удзельнікі і ўдзельніцы пабудуюць прафесійныя кантакты з найлепшымі беларускімі адмыслоўцамі ў галіне рэгіянальнага/гарадскога развіцця, пройдуць курс развіцця менеджарскіх здольнасцяў і пазнаёмяцца з айчыннымі лідарамі меркаванняў ды замежнымі дыпламатамі.

Апроч таго, кожны з удзельнікаў і ўдзельніц будзе мець асабістую лідарскую праграму, распрацаваную пры яе/яго ўдзеле і накіраваную выключна на развіццё яе/яго. Мы чакаем, што Fellows далучацца да стварэння рэйтынга беларускіх гарадоў паводле Цэнтра новых ідэй.

Вызначэнне мэтаў і іх выкананне будзе адбывацца на/паміж трыма трохдзённымі сесіямі, якія адбудуцца ў Мінску на пачатку верасня, кастрычніка і лістапада. Пасля паспяховага праходжання трох першых з’ездаў удзельнікі правядуць выніковую сесію ў Берліне, у межах якой яны сустрэнуцца з прадстаўнікамі найлепшых урбаністычных арганізацый, аналітычных цэнтраў і НДА Германіі.

Крыніца: ideaby.org