Бясплатны анлайн-курс па культурным мэнэджмэнце

Інстытут імя Гётэ сумесна са школай "Leuphana Digital" пры падтрымцы пляцоўкі "Alumniportal Deutschland" ладзяць анлайн-курс для культурніцкіх арганізацыяў: "Мэнэджмэнт мастацтва: Маркетынг культурніцкіх арганізацыяў". Тэрмін дыстанцыйнага курсу - з 19 лютага па 28 траўня 2015 года.

Навучэнцы азнаёмяцца з праблематыкай сучаснага культурніцкага мэнэджмэнту, досведам у сферы маркетынгу і мэнэджмэнту.

Праграма курсу ўключае наступныя тэмы:

• фундацыі,
• культурніцкая эканоміка,рынкі і маркетынг культурніцкіх арганізацыяў,
• арганізацыі мастацтва і культурніцкія інстытуты,
• маркетынг культурніцкіх праектаў і мэнэджмэнт мастацкіх працэсаў,
• сувязь з аўдыторыяй,
• артыстычныя практыкі і ўстойлівасць, г.д.

Навучанне бясплатнае. Па жаданні ўдзельнікаў пасля заканчэння курсу можа быць выдадзены адпаведны сертыфікат (кошт дакумента - 20 еўра).

Заяўкі прымаюцца да 18 лютага 2015 года. Дадатковая інфармацыя размешчана на старонцы курсу.

Паводле Edu-active.com.