Анлайн-курс па дзяржкіраванню і публічнай палітыцы

пан, 2020-09-28 14:31

Школа маладых менеджэраў публічнага адміністравання (SYMPA) сумесна з факультэтам Палітычных навук і дыпламатыі Універсітэта Вітаўтаса Вялікага (Літва) аб'яўляе новы набор на анлайн-курс «Сучасныя тэорыі і практыкі дзяржаўнага кіравання і публічнай палітыкі». Працягласць курса: 12 тыдняў. Умовы ўдзелу: грамадзянства РБ і пастаяннае пражыванне ў краіне. Апошні тэрмін падачы заяўкі - 4 кастрычніка 2020.

Прапанаваны курс з'яўляецца базавым і прызначаны для тых, хто хоча даведацца аб асновах і сучасных практыках дзяржкіравання і публічнай палітыкі.

Праграма навучання складаецца з наступных тэм:

  • Сучаснае дзяржаўнае кіраванне: асноўныя тэарэтычныя і практычныя падыходы;
  • Паняцце публічнай палітыкі: праблемы вызначэння і прымянення;
  • Напрамкі рэформаў дзяржаўнай службы;
  • "Новы публічны менеджмент";
  • Асновы аналізу і імплементацыі публічнай палітыкі;
  • Гендэрны падыход да дзяржаўнага кіравання і бюджэтаванню;
  • Празрыстасць дзяржаўнага кіравання, этыка і барацьба з карупцыяй.


Гэтыя тэмы вы зможаце прапрацаваць пад кіраўніцтвам выкладчыкаў, чытаючы рэкамендаваную літаратуру і беручы ўдзел у анлайн-абмеркаваннях. У канцы кожнай тэмы для самаправеркі ўдзельнікі курсу праходзяць тэст. Заняткі праходзяць у сістэме дыстанцыйнага навучання Moodle.

Мова выкладання: руская / беларуская. Удзельнікі, якія паспяхова завяршылі анлайн-курс, атрымліваюць сертыфікаты аб праходжанні курса ў эквіваленце 3-х заліковых адзінак (крэдытаў) у сістэме ECTS.

Каб падаць заяўку на ўдзел у курсе, дашліце на адрас: [email protected] наступную інфармацыю:

  • прозвішча і імя лацінкай, як у пашпарце;
  • сваю кантактную інфармацыю (адрас эл. Пошты);
  • кароткае тлумачэнне, чаму вы хочаце прыняць удзел у курсе (200-300 слоў).

 

Крыніца: sympa-by.eu