АКТ шукае спецыяліста па камунікацыях

Міжнароднае асветніцкае грамадскае аб’яднанне «АКТ» запрашае ў сваю каманду спецыяліста па камунікацыях і адміністраванні сайта для працы ў праекце «Стрымліванне эпідэміі ВІЧ і скарачэнне захворвання і смяротнасці ад ВІЧ у Беларусі». Каб узяць удзел у конкурсе на вакансію, трэба даслаць рэзюмэ і матывацыйны ліст на паштовую скрыню [email protected] не пазней за 5 сакавіка. У рэзюмэ абавязкова пазначце спасылкі на публікацыі ці іншыя створаныя вамі медыя-прадукты. Адабраныя кандыдаты будуць запрошаныя на суразмоўе.

АКТ шукае чалавека, які:

• Мае адукацыю ў галіне інфармацыі і камунікацыі, сувязяў з грамадскасцю ці сумежных сферах
• Стварае змястоўныя, пісьменныя і цікавыя тэксты для сайта і кантэнт для сацыяльных сетак
• Разумее спецыфіку розных медыя-каналаў і валодае інструментамі для аналізу ўзаемадзеяння з аўдыторыяй
• Працуе з асноўнымі кампутарнымі праграмамі, інструментамі google, графічнымі прыладамі і прыладамі для апрацоўкі відэа
• Разумее, як дзейнічае сектар арганізацый грамадзянскай супольнасці (АГС), ці марыць даведацца пра гэта падчас працы ў грамадскай арганізацыі.
• Досвед працы і валоданне ангельскай мовай з’яўляюцца перавагамі пры адборы кандыдатаў.

Асноўныя абавязкі:

• Падрыхтоўка і публікацыя артыкулаў на сайце АКТа
• Стварэнне кантэнту для сацыяльных сетак арганізацыі
• Email-рассылкі
• Інфармацыйнае суправаджэнне мерапрыемстваў праекта і падтрымка прафесійных сувязяў са СМІ
• Падрыхтоўка матэрыялаў для бюлетэня “Разам”, які выдаецца Асацыяцыяй “БелСетка анціСНІД”
• Рэдагаванне дакументаў, лістоў і іншых тэкстаў, афармленне прэзентацый і друкаваных матэрыялаў. 

Крыніца: actngo.info