Акадэмія для журналістаў News Impact

European Journalism Centre сумесна з Google News Initiative арганізавалі акадэмію, якая складаецца з серыі семінараў, якія прапануюць магчымасць раскрыць крэатыўнасць і паказаць новыя рашэнні праблем журналісцкай індустрыі. У 2018 годзе будзе арганізавана 5 варыяцый акадэмій, кожная з якіх засяродзіцца на пэўнай інавацыі, вакол адной спецыфічнай тэмы. Удзел у акадэміі бясплатны, таксама арганізатары аплачваюць транспартныя выдаткі і пражыванне. Кожная акадэмія доўжыцца 2 дні і збірае 20 чалавек. Хуткія дэдлайны - 28 траўня і 20 ліпеня.

Першая акадэмія прайшла ў 2017 годзе ў Рыме, Гамбургу, Будапешце, Манчэстэры і Брусэлі. У гэтым годзе акадэмія будзе праведзена ў іншых еўрапейскіх гарадах з мэтай вывучыць новыя інавацыйныя магчымасці ў галіне развіцця прадукту, уцягнутасці грамадства, і навінавага лідарства.

У дадзены момант прымаюцца заяўкі на 2 акадэміі:

  1. Парыж 27 - 28 чэрвеня - Гіперлакальныя навіны і стратэгіі ўзаемадзеяння. Дэдлайн - 28 траўня 2018.
  2. Барселона 25 - 26 верасня - Навінавае лідарства. Дэдлайн - 20 ліпеня 2018.

 

Неўзабаве будзе адкрыты прыём заявак на:

  1. Лондан 17 - 18 кастрычніка - тэма будзе абвешчана пазней.
  2. Варшава 5 -6 лістапада- тэма будзе абвешчана пазней.


Праграма дае:

  • практычныя сесіі, накіраваныя на вывучэнне і рэалізацыю арыентаваных на карыстальніка метадалогіі ў рэдакцыі;
  • абмеркаванне з мэтай вызначыць навінавыя праблемы і спосабы іх рашэння;
  • сумесныя мерапрыемствы, накіраваныя на супрацоўніцтва.


Патрабаванні да кандыдатаў і кандыдатак:

  • падаваць заяўкі могуць рэдактары, дызайнеры, уладальнікі і распрацоўшчыкі прадуктаў, менеджэры сацыяльных сетак і іншыя медыя прадпрымальнікі;
  • прымаюцца заяўкі ад усіх крэатыўных асоб, якія працуюць у медыя сферы і жадаюць зрабіць уклад у пабудову ўстойлівай і інавацыйнай журналісцкай будучыні;
  • заяўка падаецца анлайн.

 

Крыніца: newsimpact.io