AIESEC: Праграма міжнароднага валанцёрскага абмену Global Citizen
пан, 2016-10-24 15:12
AIESEC у Беларусі запрашае на праграму міжнароднага валанцёрскага абмену Global Citizen.
Вітаюцца актыўныя студэнты і выпускнікі ўніверсітэтаў. Асабліва тыя, хто любіць вандраваць і жадае завесці новых сяброў у розных краінах свету.
Global Citizen - міжнародная валанцёрская праграма абмену, якая дае магчымасць развіць лідарскія якасці, падарожнічаць па свеце, знаёміцца з сусветнай культурай, удзельнічаць у сацыяльных праектах па вырашэнні пэўных праблем у сферы адукацыі, экалогіі, аховы здароўя і г. д.
Што дае праграма Global Citizen:
- 6 тыдняў, напоўненых эмоцыямі і новымі ўражаннямі;
- выйсце з зоны камфорту, магчымасць паспрабаваць нешта новае;
- знаёмства з культурай іншай краіны;
- практыку ангельскай мовы.
Для ўдзелу ў праграме неабходна:
- запоўніць анлайн-заяўку;
- абраць валанцёрскі праект;
- прайсці сумоўе;
- падрыхтавацца да падарожжа.
Дэдлайн - 30 лістапада 2016 года. Падрабязнасці - на гэтай старонцы.
Паводле Adukacyja.info