Адукацыйны вочна-завочны курс пра Еўропу для моладзі (Мінск)

Адукацыя.Інфо ў партнёрстве з Фундацыяй імя Конрада Адэнаўэра абвяшчае набор на вочна-завочны курс (Blended Learning) пра Еўропу. Удзельнікі цягам трохмесяцовага курса 4 разы сустрэнуцца на адна-двухдзённых вочных сесіях з беларускімі ды еўрапейскімі экспертамі ў Беларусі ды Літве, у астатні час навучанне будзе адбывацца анлайн і зойме не больш за 3 гадзіны на тыдзень. Дэдлайн - 4 лютага (субота).

Як гэта будзе?
У трох модулях курса, прысвечаных Еўропе ды ЕС, сучасным беларуска-еўрапейскім адносінам, а таксама паглыбленню ўяўлення пра тваё месца ў гэтай складанай структуры, ва ўдзельнікаў і удзельніц будзе магчымасць палепшыць сваё разуменне сучаснай Еўропы. Адукацыйная праграма будзе ўключаць міні-тэсты, відэа, творчыя групавыя ды індывідуальныя заданні, рашэнне кейсаў, кансультацыі экспертаў.
 

Калі?
Люты-красавік 2017 г.

Для каго?
Да ўдзелу запрашаецца беларуская моладзь ва ўзросце ад 18 да 25 год, зацікаўленая еўрапейскай тэматыкай.

Умовы ўдзелу
Асноўная інфармацыя курса будзе давацца на беларускай і рускай мовах, некаторыя матэрыялы будуць прадстаўленыя па-ангельску. Удзельнікі павінны валодаць ангельскай на ўзроўні, дастатковым для разумення прачытаных альбо праслуханых тэкстаў. У межах адбору арганізатары могуць таксама запрасіць патэнцыйных удзельнікаў на караценькае скайп-сумоўе для праверкі валодання ангельскай мовай.
Удзел у курсе цалкам бясплатны. Удзельнікі, якія паспяхова скончаць курс, атрымаюць сертыфікат.
 

Што яшчэ?
Лепшыя выпускнікі курса атрымаюць магчымасці індывідуальнай ментарскай падтрымкі ад Адукацыя.Інфо і Фундацыі імя Конрада Адэнаўэра, трое выпускнікоў будуць запрошаныя на навучальны візіт у Брусель ці іншую еўрапейскую сталіцу.

Як падацца?
Запоўніць заяўку да 04.02.2017, дазнавайся пра вынікі адбору 8 лютага.

Крыніца: adukacyja.info