Адукацыя для ўстойлівага развіцця - прэмія ЮНЕСКА і ўрада Японіі

Урад Японіі выступае фундатарам заснаванай ЮНЕСКА прэміі за лепшыя адукацыйныя праекты асобаў, арганізацый  або інстытуцый у сферы ўстойлівага развіцця.

Прэміі "Адукацыя для ўстойлівага развіцця" (ў памеры 50 тыс. даляраў кожная) штогод прысуджаюцца тром намінантам.

Кандыдаты мусяць выкарыстоўваць значную ролю адукацыі ў спалучэнні сацыяльных, эканамічных, культурніцкіх і экалагічных аспектаў працэсу устойлівага развіцця.

Конкурсныя праекты мусяць:

- быць інавацыйнымі;

- спрыяць трансфармацыі грамадства ў кірунку ўстойлівага развіцця;

- гарманічна спалучаць сацыяльныя, эканамічныя і экалагічныя аспекты.

З патрабаваннямі да конкурсных прапаноў можна азнаёміцца тут.

Намінаваць канкурсантаў могуць урады краін-сябраў ЮНЕСКА праз замежныя прадстаўніцтвы гэтай арганізацыі, а таксама недзяржаўныя арганізацыі, якія з'яўляюцца афіцыйнымі партнёрамі ЮНЕСКА.

Прадстаўніцтва ЮНЕСКА або НДА можа намінаваць максімум 3-х кандыдатаў.

Апошні дзень падачы анлайн-заявак - 30 красавіка 2016 года. Падрабязней - на старонцы конкурсу.

Крыніца: UNESCO.org.