АДУфэст 3.0: Адукацыйны фестываль у Польшчы

27-30 жніўня 2015 года ў Польшчы пройдзе "АДУфэст 3.0", які ладзіць "Аdukacyja.info". Праграма фестывалю нефармальнай адукацыі складаецца з майстар-класаў ды воркшопаў, якія ладзяць самі ўдзельнікі.

"Адуфэстаўцы" падчас сваіх выступаў у інтэрактыўнай форме будуць вучыць адзін аднога чамусьці новаму й цікаваму. Вітаецца правядзенне майстар-класаў з практычнымі парадамі па творчым або паўторным выкарыстанні смецця, йога-трэніроўкі, прэзентацыі ўласна распрацаваных адукацыйных методык, кулінарныя воркшопы, трэнінгі па міжкультурнай камунікацыі і г.д.

Да ўдзелу запрашаюцца выпускнікі беларускіх і замежных універсітэтаў, якія маюць жаданне і сілы паляпшаць грамадства і жыццё ў Беларусі.

Арганізатары забяспечваюць пражыванне і харчаванне ўдзельнікаў, часткова кампенсуюць выдаткі на дарогу, аказваюць дапамогу ў атрыманні візы. Удзельнікі самастойна аплочваюць страхоўку і транспартныя выдаткі на дарогу ў адваротны бок.

Для ўдзелу неабходна да 15 чэрвеня 2015 года запоўніць анлайн-анкету.

Па дадатковых пытаннях лістуйце на е-мэйл: [email protected].

Паводле NGO.by