aDNaK 2016 - фестываль беларускамоўнай рэкламы і камунікацыі (Беларусь)

Да 16 чэрвеня 2016 года прымаюцца конкурсныя працы ўдзельнікаў 7-га Фестывалю беларускамоўнай рэкламы і камунікацыі aDNaK - ген беларускага крэатыву.

Фестываль ёсць адметнай з’явай у культурніцкім жыцці Беларусі і ўнікальнай прасторай, якая яднае творчых людзей розных прафесій на глебе нацыянальных каштоўнасцей.

Удзел у Фестывалі бясплатны.

Аматары беларускамоўнае рэкламы і ўсе зацікаўленыя ў прасоўванні беларускае мовы і пашырэнні яе ўжытку могуць далучыцца да правядзення Фестывалю і падтрымаць адмысловы праект на краўдфандынгавай пляцоўцы Ulej.

З працамі пераможцаў конкурсу мінулага года можна азнаёміцца тут.

Намінацыі конкурсу:

• Тэле- і кінарэклама.
• Прынт.
• Графічны і камунікацыйны дызайн.
• Этыкетка і ўпакоўка.
• Аўдыёрэклама.
• Вонкавая рэклама.
• Інтэрактыўная рэклама і дызайн.
• Медыяпраекты.
• PR, прома-, event- i DM-кампаніі.
• Рэкламныя кампаніі.
• Інавацыі.
• Сацыяльная рэклама.
• Грамадсказначныя праекты.
• Беларускаарыентаваны рэкламны і камунікацыйны праект.
• Антыпрэмія "Каша сувораўская".
• Конкурс нерэалізаваных праектаў.

Для ўдзелу ў конкурсе неабходна прайсці анлайн-рэгістрацыю.

Паводле Generation.by, Adnak.by.