Адкрыта рэгістрацыя на практычны семінар «Малы бізнес з вынікам»

сер, 2017-10-11 15:16

Серыя двухдзённых семінараў па пытаннях эфектыўнага навучання асновам прадпрымальніцтва пройдзе ў лістападзе 2017 года ў рамках праекта «Садзейнічанне занятасці і самазанятасці насельніцтва ў малых і сярэдніх гарадах Рэспублікі Беларусь». Запрашаюцца да ўдзелу спецыялісты цэнтраў падтрымкі прадпрымальнікаў і бізнес-інкубатараў, бізнес-трэнеры і кансультанты, якія працуюць з маладымі прадпрымальнікамі і малым бізнесам. Колькасць месцаў абмежавана. Рэгістрацыя на кожны семінар зачыняецца па меры напаўнення групы, але не пазней чым за 12 дзён да даты правядзення.

Арганізатары забяспечваюць іншагароднім удзельнікам пражыванне і харчаванне (выдаткі на праезд не кампенсуюцца).

Праграма семінара ўключае:

  • прэзентацыю практычнага дапаможніка па асновах прадпрымальніцтва і навучанне па працы з ім у фармаце train the trainer;
  • агляд тэхналогій для дыягностыкі прадпрымальнікаў і прадпрыемстваў, а таксама выкарыстання ROM (менеджменту, арыентаванага на вынік) і ROMI Да (ацэнкі інвестыцый у маркетынг да іх ажыццяўлення);
  • аналіз практычных бізнес-кейсаў для адпрацоўкі інструментаў маркетынгавага, фінансавага і кіраўніцкага коўчынга для пачаткоўцаў прадпрымальнікаў;
  • абмеркаванне актуальных змяненняў заканадаўства ў сферы прадпрымальніцтва;
  • экспертныя дыскусіі і абмен вопытам па пытаннях бізнес-навучання.

 

Вядучым семінараў выступіць Яўген Зуеў, эксперт у галіне развіцця прадпрыемстваў, аўтар методык ацэнкі эфектыўнасці інвестыцый у маркетынг і падрыхтоўкі трэнераў, заснавальнік і кіраўнік шэрагу кампаній zen.by, hascincy.by, result.by.

Юрыдычныя пытанні на семінары асвецяць вопытныя кансультанты і адвакаты адвакацкага бюро “Бараўцоў і Салей” Надзея Знак і Юры Козікаў.

Даты правядзення семінараў:

  1. 1-2 лістапада - Мінск;
  2. 9-10 лістапада - Віцебск;
  3. 14-15 лістапада - Магілёў;
  4. 16-17 лістапада - Мінск.
     

Умовы рэгістрацыі

Для ўдзелу ў семінары неабходна прайсці рэгістрацыю па спасылцы. Пры паступленні вялікай колькасці заявак арганізатары пакідаюць за сабой права адбору ўдзельнікаў. Месца правядзення будзе паведамлена зарэгістраваным і адабраным удзельнікам не менш чым за 7 дзён.

Крыніца: by.undp.org