Access - бясплатная праграма пазакласнага вывучэння ангельскай мовы (Мінск)

Беларуская Асацыяцыя клубаў ЮНЕСКА запрашае школьнікаў ва ўзросце 13-15 гадоў удзельнічаць у бясплатнай 2-гадовай праграме пазакласнага вывучэння ангельскай мовы "Access".

Пілотны адукацыйны праект ажыццяўляецца ў Маскоўскім раёне горада Мінска. Праграма навучання ўключае інтэрактыўныя заняткі па ангельскай мове і кампутарнай пісьменнасці, культурніцкія мерапрыемствы, удзел у лінгвістычных летніках, знаёмства з культурай і традыцыямі англамоўных краін.

Пачатак заняткаў - 19 красавіка 2016 года.

Для запісу на праграму неабходна падрыхтаваць наступныя дакументы:

- заяўку (узор - тут);

- копію пашпарта або пасведчання аб нараджэнні;

- даведку пра малы даход сям'і (праграма скіравана на падтрымку тых падлеткаў, чые сем'і не могуць аплочваць курсы ангельскай або паслугі рэпетытара);

- заяву ад бацькоў пра згоду на ўдзел у праграме;

- 2 фатаграфіі (памер 3х4).

Пакет дакументаў неабходна падаць у Сакратарыят Беларускай Асацыяцыі клубаў ЮНЕСКА па адрасе: Мінск, пр. Машэрава, 25, офіс 231. Даведкі па тэл.: (017) 237 48 57, (029) 686 25 82.

Запіс на праграму ідзе да 12 красавіка 2016 года.

Падрабязнасці - на гэтай старонцы.

Фінансаванне праекту і тэхнічная падтрымка ажыццяўляецца Міжнароднай арганізацыяй па ахове здароўя сям'і (ЗША) і Аддзелам інфармацыі, адукацыі і культуры Амбасады Злучаных Штатаў у Беларусі.

Паводле BelAU.info.