Абвяшчэнне конкурсу на замяшчэнне вакантнай пасады ў DAAD (Мінск)

пан, 2019-02-04 03:33

Германская служба акадэмічных абменаў (DAAD) з'яўляецца сумеснай арганізацыяй вышэйшых навучальных устаноў Германіі, накіраванай на падтрымку міжнароднага навуковага супрацоўніцтва і акадэмічнага абмену. Інфармацыйны цэнтр DAAD у Мінску шукае актыўнага і рознабаковага супрацоўніка/цу для аказання кансультацыйных паслуг, адміністрацыйнай дзейнасці і каардынацыі праграм на ўмовах частковай занятасці (0,5 стаўкі, на час дэкрэтнага адпачынку). Апошні тэрмін падачы заяўкі - 14 лютага 2019, а праца пачынаецца 1 сакавіка.

Дадзеная вакансія прадугледжвае частковую занятасць на 0,5 стаўкі (20 гадзін у тыдзень). Аплата ажыццяўляецца згодна з мясцовай тарыфнай сетцы і рэгулюецца заканадаўствам Рэспублікі Беларусь. Працоўны дагавор абмяжоўваецца тэрмінам дэкрэтнага водпуску (12 месяцаў).

Вашы задачы:

  • кансультацыі па магчымасцях навучання і правядзення навуковых даследаванняў у Германіі, а таксама па стыпендыяльных праграмах DAAD;
  • кіраванне бюджэтам і фінансавая справаздачнасць;
  • агульная офісная дзейнасць;
  • пераклады: нямецкая ↔ руская/беларуская мовы;
  • планаванне і правядзенне інфармацыйных мерапрыемстваў і выстаў;
  • падрыхтоўка інфармацыйных і рэкламных матэрыялаў;
  • адміністраванне вэб-сайтаў Інфармацыйнага цэнтра DAAD;
  • падтрыманне кантактаў з партнёрскімі арганізацыямі і былымі стыпендыятамі DAAD;
  • аналіз беларускага рынку адукацыі.


Патрабаванні да кандыдата ці кандыдаткі:

  • вышэйшая адукацыя (мінімум дыплом спецыяліста / Bachelor, пажадана дыплом магістра / Master); па магчымасці, вопыт навучання або навуковай стажыроўкі ў Германіі (са стыпендыяй DAAD);
  • поўная самаідэнтыфікацыя з задачамі і мэтамі DAAD, а таксама сапраўдная зацікаўленасць у паспяховай працы Інфармацыйнага цэнтра DAAD у Мінску;
  • свабоднае валоданне нямецкім, рускай і беларускай мовамі (вуснае і пісьмовае), таксама добрыя веды ангельскай мовы;
  • глыбокія веды нямецкай і беларускай сістэмы вышэйшай адукацыі і навукі, а таксама Еўрапейскай прасторы вышэйшай адукацыі;
  • упэўнены карыстальнік офісных праграм
  • арганізатарскія здольнасці, наяўнасць міжкультурных кампетэнцый, мэтанакіраванасць, стрэсаўстойлівасць, уменне працаваць у камандзе, крэатыўнасць, добрыя камунікатыўныя навыкі і ветлівая манера зносін з наведвальнікамі;
  • дазвол на знаходжанне і на працу ў Беларусі;
  • досвед працы ў сферы культуры і адукацыі пажаданы.

 

Пакет дакументаў (суправаджальны ліст, біяграфію, дакументы аб адукацыі, рэкамендацыйныя лісты і водгукі аб Вашай працоўнай дзейнасці і г.д.) неабходна адправіць не пазней за 14 лютага 2019 года на адрас:

Інфармацыйнае бюро DAAD
Кіраўніку Джэнні Эттрых
Беларускі нацыянальны тэхнічны ўніверсітэт
пр. Незалежнасці, 65, корп.11a, каб. 101
220013 Мінск

Крыніца: daad.by/be