ААН: Конкурс па візуалізацыі дадзеных

Офіс дакладаў аб чалавечым развіцці ААН (HDRO) ладзіць конкурс па візуалізацыі інфармацыі і дадзеных. Да ўдзелу запрашаюцца журналісты з усяго свету. Кандыдаты мусяць выкарыстоўваць у конкурсных працах дадзеныя дакладаў ААН аб чалавечым развіцці.

Фіналісты конкурсу будуць запрошаны на фестываль "Cartagena Data Fest", які пройдзе з 20 па 22 красавіка 2015 года.

Конкурсныя працы прымаюцца да 20 сакавіка.

Арганізатары конкурса прапануюць кандыдатам адказаць на наступныя пытанні:

• Як прадэманстраваць у адной выяве ўзровень чалавечага развіцця краіны?
• Якім чынам лепш параўноўваць паказчыкі розных краін?
• Як прадэманстраваць моцныя бакі разнастацных паказчыкаў, якія ўвасабляюць індэксы розных краін, і як гэта можа паўплываць на палітыку ў краіне?
• Якім чынам лепш праілюстраваць няроўнасць, як гэта можа ўплываць на ўзровень чалавечага развіцця?

Больш падрабязная інфармацыя пра конкурс і форма падачы заяўкі размешчаны тут.

Паводле Ijnet.org.