SYMPA/ЕГУ: Анлайн-курс па дзяржкіраванні і публічнай палітыцы

Школа маладых менеджэраў публічнага адміністравання "SYMPA" і дэпартамент сацыяльна-палітычных навук Еўрапейскага гуманітарнага ўніверсітэта ладзяць набор на анлайн-курс "Дзяржаўнае кіраванне і публічная палітыка: сучасныя практыкі і трансфармацыі".

Працягласць курсу - 12 тыдняў, мова навучання - беларуская і руская.

Праграма навучання складаецца з наступных тэмаў: сучаснае дзяржаўнае кіраванне, паняцце публічнай палітыкі (тэарэтычныя і практычныя падыходы), яе аналіз і ажыццяўленне, этыка і барацьба з карупцыяй, г.д.

Навучанне будзе ажыццяўляцца праз анлайн-сістэму Moodle. Пасля паспяховага заканчэння курсу ўдзельнікі атрымаюць сертыфікаты "SYMPA" і Еўрапейскага гуманітарнага ўніверсітэта.

Кандыдаты мусяць даслаць заяўку на е-мэйл: info@sympa-by.eu.

У заяўцы неабходна пазначыць:

- імя і прозвішча (лацінскімі літарамі, як у пашпарце),

- кантактную інфармацыю,

- сціслы расповед, чаму Вы жадаеце ўдзельнічаць (200-300 слоў).

Апошні дзень падачы заявак - 9 лістапада 2015 года. Колькасць месцаў абмежаваная.

 

Крыніца: Adukacyja.info.